منتديآت همس آلجزآئر - لتحلق في سمآء آلآبدآع
| |

أنت غْـِـِـِيْـِـِـِر مُـِـِـِسَـِـِـِِجَـِـِـِل

لأنـنـآ نـعـشـقِ التـميز والـِمُـِمَـِيّـزِيْـטּ يشرفنـآ إنـظمـآمڪ معنـآ فيـﮯ مـنـتـديـآت آخـر نظـرة | |

أثبـت تـوآجُـِدڪ و ڪـטּ مـטּ [ الـِمُـِمَـِيّـزِيْـטּ ..!

لـِڪي تـسـتـطـيـع أن تُـِتْـِِבـفَـِنَـِـِا [ بـِ موآضيعـڪ ومشارڪاتـڪ معنـِـِـِآ ]


منتديآت همٍـــس الجزآئـر 
الرئيسيةالبوابةاليوميةس .و .جالأعضاءالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» البرنامج الرائع جدالإنجاز استعمال الزمن
الخميس مارس 20, 2014 8:20 am من طرف Admin

» ــحيث لا آحد الآ آنـآ ..
الأربعاء أغسطس 24, 2011 4:46 pm من طرف Hegauin

» الغاز سهلة جدااا و حلولها ؟؟؟؟ادخلوا و شوفوا
الأربعاء أغسطس 24, 2011 4:31 pm من طرف Hegauin

» لغز سهل للاذكياء
الأربعاء أغسطس 24, 2011 4:27 pm من طرف Hegauin

» ورط اللى بعدك بسؤال ؟؟؟
الأربعاء أغسطس 24, 2011 4:26 pm من طرف Hegauin

» لغز انشتاين اللذي تحدى به 98%من سكان العالم
الأربعاء أغسطس 24, 2011 4:25 pm من طرف Hegauin

» vبوقالات جزائرية روعة
الأربعاء أغسطس 24, 2011 4:23 pm من طرف Hegauin

» خااااااااااااااااااااص بالبنات
الأربعاء أغسطس 24, 2011 3:30 pm من طرف انهار الجنة

» الدخول للمجانين و فقط... قلت المجانين... حذاري
الأربعاء أغسطس 24, 2011 3:29 pm من طرف انهار الجنة

التبادل الاعلاني
احداث منتدى مجاني
أفضل 10 أعضاء في هذا المنتدى
Admin
 
Naruto
 
عاشقة التحدي
 
ملكة الإحسآس
 
Hegauin
 
achwak19
 
achwak
 
أشواق الجزائرية
 
hedaifa
 
*الاميـRـــkرتان*
 
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 17 بتاريخ الجمعة يونيو 21, 2013 2:36 am
دردشة الاعضاء
twitter

تنبيه

العناصر اسفل الصفحة



شاطر | 
 

  حدث في حافلة النقل.. (عمَّر راسك)

اذهب الى الأسفل 
كاتب الموضوعرسالة
Bessma




عدد المساهمات : 1
السٌّمعَة : 0
تاريخ التسجيل : 17/08/2011
الموقع : ▓█▒ ℓα vίє sίмρℓє ▒█▓

مُساهمةموضوع: حدث في حافلة النقل.. (عمَّر راسك)    الأربعاء أغسطس 17, 2011 4:02 pm


نهار الأربعاء 27 جويلية 2011م، خَرجت مِن (شِبه) الخَدمة اللِي راني معوَّل على ربي، ومن بعد عليها: باه ندخل بيها للقفص الذهبي كيما يسمُّوه بعض المدهولين.
......................
ركبت في الحافلة كي العادة، وكنت حامل معايا ساكوشة (حافظة صغيرة): كَروَازِيتها على رقبتي كيما يديروا جماعة جاغيف، وكاغيم.

كنت (كل زوج) دقايق؛ نحل هاذيك الساكوشة ونَجبَذ واحد البِطاقة: لُونَها أصفر مكتوب عليها عبارة: (مؤهل غير مجنَّد) (يسموها عندنا: كارت جون)
من اليوم اللي عطاوهالي وأنا ما قدرتش نلَّم روحي من الفرحة؛ اللي نلقاه نحكيلوا....
...................
الشُوفُور اللي كنا راكبين معاه في الحافلة؛ هو والمساعد تاعو (روسوفار) داروا بينا في المحطة قريب نصف ساعة
ومن بعد كي مَشَاو: كل ما يوصلوا لمحطة جديدة يوقف المساعد في الحافلة ويقول للجماعة:
خويا قدَّم شوية راهو عندك ليستَاع....
اتفكَّرت واحد قسنطيني تلاقيت معاه؛ قالي: انتوما في باتنة علاه الترونسبور تاعكم يتحاشروا فيه الناس !!؟...
...........................
الباص كان يمشي بالثَقَالَة، مرَّة يدِينَا للقُدَّام... ومرة يَرِيب بِينا للوراء...
مرة إيه، ومرة لا لا.... ومرة يروَّن كروش الرجالة !
......................
و(الروسوفور) في كل محطة يزيد يلوح الغاشي، والله تقول عليه يبيلي في الكُوفرِيط..
......................
أنا كنت في حالة يرثى لها.
ركبت قدامي واحد المرأة؛ معاها ثلاث أولاد يتهارشوا، ويعضُّوا في بعضاهم بطريقة تقول راك تتفرج في شريط تاع افتراس !
مرة يطيح عليا واحد، ومرة تجي فيا ضربة... وأنا ساكت !
.....................
وحدث أن: طاح واحد من هاذوك الثلاثة المشردين على امرأة واقفة من القُدَّام...
دارت هاذيك المرأة وتعطيه ضربة للظهر: صرعاتو...
أم هاذاك الطفل هاجت؛ وقالتلها:
ما تحشميش تضرب في الملايكات ؟!
هاذيك المرأة بانت عليها علامات الدهشة:
هذا ملايكات، ياخي وجه الحبس ياخي ...
ولولا تدخل العقلاء راهي طوالت الحكاية اللي راني نحكيلكم فيها....
..........................
و(الروسوفور تاع الحافلة) مازال يصحح في وجهو ويقول للجماعة: خويا قدَّم شوية راه عندك الاستاع!
واحد الراجل كان حامل في يدو طفلة صغيرة قال:
واش آااااخويا، راح تديرنا باط ساردين، الطفل صغير قريب يموت في يدي: راه ماكاش زغبة تاع هوا !.
.........................
كي تكلَّم هذا السيِّد؛ اعطى فرصة كبيرة للناس، وبدا كل واحد يعبر على رايو..
واحدة قالتلهم:
عندك الحق خويا... يحسبوا فينا بهايم...
وواحدة أخرى قالتلو:
احترمنا خويا.... رانا عباد، رانا بشر... لو كان يفيقوا بيك هاذوك تاع حقوق الانسان يديرولك كيما داروا لصدام حسين...
..................
واحد ثاني قالهم:
والله راهوا صاير لي كيما (عادل إمام) كي برك عليه هذا الهايشة تاع (الناحي ناحي نوح)
.......................
ومن بعد تكلمت واحدة عجوز (صوتها رقيق) تقول راهي تحت الماء:
ماشي الغلطة فيه، الغلطة في الدولة تاعنا.. هي اللي راهي مَطَحنتنَا....
................
في هاذي اللحظة اللي قوا فيها الضغط، والزعيق..
أنا استغلِّيت الفرصة، و (ما فُقتَش مع روحي)؛ ونرفع يدي على ما جاب قدري، ونهبط بيها على ظهر واحد من هاذوك الثلاثة اللي كانوا يتهارشوا قُدَّامي؛ قريب قتلتو وحصلت في الروح تاعو...
.......................
أم هاذاك الطفل اللي ضربتوا؛ شافت معايا، هي مع ولدها، وكي ما لقاتش واش تقولي زادت هبطت على كتف ولدها بواحدة كيما تاع (جُون سِينا)؛ وقاتلوا:
بخصتوا بيا قدَّام الناس؛ استنَّى تروح ونوريلك...
.........................
هاذاك الروسوفور كي سمع الهوشة بدات تكبار؛ ناض للغاشي:
اسمعوا؛ ما تكسروليش راسي، راه قريب يترتق..
اللي ما عجبوش الحال؛ يروح يكري طاكسي...!!!
......................
واحد الشايب كان ساكت طول الطريق؛ كي سمع الروسوفور يهدر هذا الكلام ناض ليه:
اسمع ! جابلك ربي تصحَّح في وجهك، وتهدر هاذي الهدرة، تحشروا في الناس، وتزيد تقولهم اركبوا في الفُرود.... ما عندكمش حتى اللسان الحلو اللي تكسبوا بيه المشترية تاعكم...
.......................
هاذو الكلمات من هذا الشايب خلات كل الناس يسمعوا وهوما خاشعين؛ حتى هاذوك الأولاد الثلاثة اللي مازالت أمهم تحسب فيهم ملايكات !!!
ومن بعد كي سكتت الحالة خلاص؛ جاء واحد الشاب باه ينزل، قال لهذا الشوفور وصاحبوا:
خويا ننصحكم، تبنوا الدوزيام (الدور الثاني)؛ وتركبوا النَّاس في العَرض حير... واللي ما كفاهش قبرو يرقد فوقو...
تحياتي.............
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
Admin
avatar

عدد المساهمات : 547
السٌّمعَة : 0
تاريخ التسجيل : 02/06/2010
العمر : 22
الموقع : ♥ Ằℓģξяΐξ

مُساهمةموضوع: رد: حدث في حافلة النقل.. (عمَّر راسك)    الأربعاء أغسطس 17, 2011 4:14 pm

ههههههههههههه
مرسي بوب على الموضوع
واصلي تميزك
Surprised
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://romayssa19.ahlamontada.net
 
حدث في حافلة النقل.. (عمَّر راسك)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديآت همس آلجزآئر - لتحلق في سمآء آلآبدآع  :: .¸¸۝❝منتدى اخر الاحذاث ❝۝¸¸. :: منتدى واش راك تهدر-
انتقل الى: