نحرق روحي كي تعود فرنسا تربــــِّـــــــي الاجيال و الجزائر تصنع المافـــــيا --'

السلام عليكم و رحمة الله وبركاته
رمضانكم كريم عمبالي واحد ماتوحش جدّيييييييييييييييييييييي >>>> à lire avec une voix de folle) كي العادة دايما fidele مع التوقاب و التقرعيج اتفضلوا معايا ...
فالعطلة هادي جات بنت ولد عمي عندها 6 سنين من فرنسا تعقب les vacances عند جدودها
التعريف بكنزة :
الظرافة و الهدرة الحلوة وهاديك العربية المكسرة يا عمري تقول نعضها نطيرلها طرف لحم
1-
دخلنا يا سيدي عند الحانوت قاتلي :ليمة: -ريمة- تقدري تشريلي شيبس من فضلك؟
يا عمري يا عمري عليها قتلها اdévalisé الحانوت من الشيبس لا حبيتي
قاتلي سكلا ..."شكرا"ندي زوج شيبس و نرجع الchewing-gum و ناكلو غدوا صباح Je te promets
قلت انا وش بيها الطفلة توعد فيا هادي شرات بيرة ولّ؟ قتلها كولي اماما كولي قاتلي اسناي نسقسي mami ** ناناها راحت عند ناناها مخلاتهاش تاكل والله غير عاودتلها فايت ال10 مراتStp mami juste un petit bout
وكي قاتلها ماتاكليش فالليل ماحلاتوش وماطاحلهاش حتى لغدوا الصباح
2/
ملاكي هادي غلب عليها طابع الجنون تاعنا مالا حمقت فيها ناناها
ناضت تغششت قعدت في الشوكة وحدها وتبكي غاضتني رحتلها قتلها هيا تجي معايا قاتلي
Il faut respecter les punitions

ومرة كنا نلعبو درت روحي مت قاتلي
Oooh la pauvre , elle est morte mais maintenant Elle se repose chez le bon dieu au paradis avec les anges
انا قعدت بلا راس كون جات دزيرية اي قاتلي جهنم تاكل عضامك
نديرلكم مقارنة مع العربي كحل الراس ولا ماكلاه ؟
*جنّي حاشا الجنّي
*لادخل معاك للحانوت غير اربطوفي فم الباب وا قولو تتحرك نقتلك و نفجرك ونحرقك و نقصفك وكل التهديدات الي عرفتها البشرية و اللي مازلت ماتعرفتش ويا ربي يسمعلك لا شريتلو حاجة يبلعها ونت تشوف لاصحة لا يرحم والديك العقاب هادا ماكانش خلاص ياو يتهرس بالبشماق من ينوض يكمل شغلو نورمال
سبحان الله ولا حول ولا قوة الا بالله يتعلم الكفير والسبان من نعومة اظافره معلِّم
يخي اللي هنا جزايرين واللي لهيه جزايرين علاه الي هنا تشوفو في وجهو تعرفو راح يولي مجرم محترف هههههه ؟؟
واختم بهادي ...
فاليل كي نجيو مروحين من السهرة نهز كنزة خاطر تغلب فالطريق توءبر قلبي
مالا كي نوصلها لفراشها تبوسني و تقولي Caresses mes cheveux stp

ومرة هزيت واحد الطفلة من تاعنا طريق كامل طيحتلي كتافي كي وصلنا شوي قدام الدار قاتلي وعععععععععععععع بعدي عليا لهيه خلاص اني رايحة عند ماما هههههههه من الصغر تع مصالح ياو وكيلها ربي هههههه

هههه والله عندك الحق
نتاع لهيه تلقايهم متربيين وظراف كبار وصغار
اللي يتربى لهيه يخرج صح
تلقاي فيهم النيه والظرافه والحشمه مشي كيما الخلا اللي عندنا
مارسي عليك